"Ngā Pāpaka o Rangataua."
A Whakataukī / Whakatauākī reo
"Ngā Pāpaka o Rangataua."
Ka whakaeketia a Ngāti Pūkenga e tētehi hapū o Ngāi Te Rangi, e Ngāi Tūkairangi. I tua rā o te tāhuna o Rangataua, i Matapihi rā anō rātau e noho ana.
I mōhio hoki a Ngāti Pūkenga, ngā tohunga whakataka riri, ka whakaeketia rātau. Ka ara tahi ake a Ngāti Pūkenga, he aranga tupua, he aranga taniwha. Ka uru te wehi ki roto i te hoariri, ka pūrere atu ai pēnei me ngā pāpaka o Rangataua.
He whakamārama anō:
I te rautau tekau mā iwa, ka noho te rangatira o Ngāti Hauā, a Te Waharoa, i runga o Kōpūkairoa mātakitaki iho ai i te tini, i te mano e noho ana i ngā kāinga o raro iho, ka whakarite ai i a rātau ki ngā pāpaka maha o te tāhuna.