Ōwhakatoro
E hia whakatupuranga hoki ngā tūpuna o Ngāti Pūkenga e noho ana ki te taha rāwhiti o te Waiariki, ki Whakatāne, ki Ruātoki, me ngā wāhi pātata ki reira. Ahakoa tō rātau kaha ki te takahi i te whenua, koinei tō rātau ahi kā. He nui ngā kāinga me ngā māra i whakatūria e rātau.
He tini ngā mahi nui, ngā pakanga nui i tū ki ētehi wāhi o te rohe nei, i puta ake ai ko tātau ki te ao mārama nei.
I reira ngā tūpuna rongonui nei, te tokotoru o Paewhiti, e noho ana, ā, i pūwhero te wai i tētehi pakanga nui i waenga i a rātau.
Ko Pūkenga te tupuna i tapaina rā tōna ingoa ki runga ki a tātau, ā, ka noho, ka mate, ka tanumia hoki ia ki reira i waenga i ngā uri o tōna kōkara. Nā āna hāereerenga roa i tupu ai te hiahia kia kawe tōna whānau ki reira. I mate ia i te mura o te ahi i mua i te aratakinga o ōna tāngata ki Tauranga, noho ai.
I muri i tōna matenga, nā tāna tamaiti, nā Te Whetū-o-te-rangi i whakatutuki te wawata o tōna pāpara, arā ka aratakina tō tātau iwi ki Rangataua noho ai i waenga o ngā uri o reira.
Ngā tāngata o te nohoanga nei nā.
