“Ngāti Pūkenga, hamuti wera.”
A Whakataukī / Whakatauākī reo
"Ngāti Pūkenga, hamuti wera."
Ko Ngāti Pūkenga he waewae hohoro, he waewae kai pakiaka, me te aha ka kore e mau i te hoariri.
Te taenga atu o te hoariri ki te wāhi i whakaaro ai ia kei reira a Ngāti Pūkenga, ko tā rātau e kite ai ko te tiko anake e koroahu ana.
He whakamārama anō:
“Kāti ko te hunga i mahue atu ki te kāinga kei te titiro atu ki Ōtūmoetai.
Kā ka kitea atu kua paoa mai ngā ahi ka mōhio kua horo he pā.
Te aonga ake ka kite atu anō kua paoa mai anō te ahi, ka mōhio
atu anō kua horo anō he pā.”
-Hone Ohia
Kātahi rātau ka whai ā-kanohi i te haere a te whakaeke ā-riri nei a Ngāti Pūkenga mā te tirotiro i ngā rārangi pā i hinga, i pau i te ahi.