Hoaki rāua ko Taukata
A kōrero nō te Te Tua Whakatere wā
He mea tuku a Hoaki rāua ko Taukata nā tō rāua matua, nā Rongotau, kia toro atu ai ki tō rāua tuahine, ki a Kanioro. E noho tahi ana rāua ko tāna tāne, ko Pourangahau nō Tūranganui.
Te taenga atu ki Kākahoroa, ka tikoki tō rāua waka, ka pae atu rāua ki uta, ki te ngutuawa o Ōhinemataroa. Hei tā ētehi, i tae ora kē rāua ki reira, ā, ko te mahi kē ia he whakatā kau ki te oneone. Ka tau atu ki Aotearoa, ā, ka rere tonu atu ki te tai rāwhiti, ki a Kanioro rā anō.
Ka rokohanga rāua e te tamāhine a Tama-ki-hikurangi, rangatira o Kaputerangi Pā, arā e Kurawhakaata. Nā te iwi tangata whenua, nā Te Hapū-oneone rāua i manaaki.
Ka takangia he hākari mā rāua, ka taki rāua i ngā kōrero mō te terenga ki Aotearoa. Kāore i paitia e rāua te aruhe i hora, ā, ka kī, “kāore ā konei kao?”
Kīhai hoki i mōhiotia te kūmara, kāti nō rāua te whiwhi i te pākiki hoki te iwi nei, arā ko te utu o tērā momo kōrero ko te mate.
Ka unuhia e Taukata te pūkoro i tōna tātua, ka ruirui i te nehunehu ki te kapu o te ringa. Ka inoi ia kia haria mai he oko wai mahana. Ka kauroritia te nehunehu me te wai kia kōmahimahi ai, ka hoatu ki ōna kaimanaaki.
Ka nui te rekareka, ka pātai rātau me tiki atu te kai nei i hea. Ka whakamārama ia i te mea nei, te kao, ā, me hoki rawa rātau ki te kāinga rā anō tiki atu ai.
Ka hangaia he waka ki te tāwhaowhao, ka tapaina ko Te Aratāwhao/Te Aratauwhao. Ka huia ngā kaumoana, ā, ka haere tahi a Tama-ki-hikurangi me rātau.
Ka tāria ngā tai me ngā hau pai, ka tere kia moana uriuri, ki Ma’uke rā anō, ko Tama-ki-hikurangi te tangata, ko Hoaki te tohunga urungi.
Te paenga ki Ma’uke, kua rite kē te waka nei, a Te Tua Matua, kia tere ki Aotearoa (Pānuitia ki konei).
He tāwhaowhao hoki Te Aratāwhao, me te aha ka whakaarohia ka kore e tae atu anō ki tua o te Moana Nui a Kiwa. Ka whakarērea i reira, ā, ka hoki a Tama-ki-hikurangi ki Kākahoroa mā runga Te Tua Matua, me ngā kūmara mā tōna iwi.