Irakewa rāua ko Te Tua
A kōrero nō te Te Tua Uriuri wā
He matakite a Irakewa, he rērere ā-wairua i tētehi wāhi ki tētehi wāhi i te ao wairua.
I tētehi o āna rerenga ka tae ki Te Puku-o-te-wheke, ki Kākahoroa, ki te wāhi i whānau ai tōna matua, a Awamōrehurehu, i Aotearoa nei.
Ka haere tā Irakewa wahine tuatahi, a Kiwa nō Aotearoa hoki, ki Mauke i tō Awamōrehurehu taha i tētehi o āna haerenga ki Mauke. Te taenga atu, ka whakamoea a Kiwa rāua ko Irakewa.
Hei tā tētehi atu whatinga o te kōrero nei, i runga kē a Irakewa i te waka me ōna mātua nō rātau i tere rā huri noa i Aotearoa. Ka moea e ia tāna wahine, a Kiwa, ka hoki tahi atu ki Mauke, ka whakatupuria ā rāua tamariki ki reira.
Tokorua ngā wāhine a Irakewa - ko Kiwa nō Te Tini o Toi rāua ko Wekanui nō Mauke.
Ka oho ake a Irakewa i tāna terenga ā-wairua, ka mau ki ōna whakaaro ko Kākahoroa hei kāinga noho mō ōna uri. Me whai waka rahi tonu āna tamariki kia pai ai te whakawhiti i te moana nui.
Ka haere ai a Irakewa ki te ngahere, ki Rangimānuka, kimi ai i tōna kaitiaki, i a Te Tua. Ka whakaari ia i tāna matakitenga ki a ia, me te waka i hiahiatia rā. Ka tono ia mō ngā rākau hei hanga i te waka rā rā.
Ko tāna tohutohu ki a ia me moe te pō ki tōna taha hei utu mō ngā rākau. Ao ake te ata, ka mare te kuia nei, a Te Tua. Koinei te takenga o te kōrero, “Te pō i kaha ai, i mare ai”.
E rua ngā rākau Tāmanu ka kohaina e Te Tua hei waka, ko Taweu me Taporo.
Ka takitakina ngātahitia ngā karakia e Irakewa rātau ko Tāneatua, ko Toroa, ko Rātā, ā, ka tīmata te hanganga o te waka hou rua.
Ka tapaina te waka ko Pōmare, i runga i te kōrero o runga ake nei.
Oti noa te waka, ka tōia atu ki tai, ka tapaina ko Te Tua Matua.
Ka noho atu a Irakewa me āna wāhine i Mauke, ka whakaeke atu ā rātau tamariki, me ētehi atu tāngata, ki runga ki te waka, ka tere atu ki Kākahoroa.