Te Kaupapa
He whakapapa motuhake tō Ngāti Pūkenga, arā ehara tātau i te hua o tētehi kāwai kotahi, tētehi waka kotahi rānei pērā me ētehi atu iwi. He huhua ō tātau ingoa, he nui ō tātau whenua mai i tētehi taha o te motu ki tētehi.
I heke mai tātau i ngā kāwai o ngā rangatira nui, o ngā toa rongonui nāna nei i whawhai mō te oranga o tō tātau iwi, o ētehi atu hoki. I whakawhiti tātau i te Moana a Kiwa, me ngā moutere nei o Aotearoa hei manaaki i te tono a ngā karangamaha, a ngā whakauru hoki. Nā te moe tahi, nā te noho tahi tātau i piri ai, i tata ai, kia mau tonu ai ngā whakaurunga, kia whiriwhiria tahitia ai ngā kāwai whakapapa mō āke.
He timo kōrero
Ngāti Pūkenga
Ka haere te wā, ka whanake te tuakiri o te iwi i runga i ngā wero hou, ngā āheinga hou, ngā tāngata hou me ngā wāhi hou ka rokohanga. Ka toro te whakapapa o Ngāti Pūkenga i tētehi taha ki tētehi taha o te moana nui rawa o te ao, ā, koia te whatunga tahitanga o ngā aho maha: he aho whakapapa, he aho tōrangapū, he aho tangata.
Tātai Kōrero
Tirotirohia te pātaka kōrero nei. Kua whakarōpūhia ngā kōrero ki ngā putunga e 3.
Te Tua Uriuri - ko Hawaiki, i mua i te hekenga ki Aotearoa.
Te Tua Whakatere - ko te hekenga o Mataatua me Te Arawa ki Aotearoa, noho ai.
Te Tua Whakaheke - ko te taenga o te Pākehā ki Aotearoa, tae noa mai ki tēnei rā.
Nohoanga
E whakauru ana mātau i ngā kāinga e 6 o Ngāti Pūkenga, kia whai wāhi ai ērā i noho tuatahi ai ki Aotearoa, me ērā o ina tata nei.
Wāhi
Tirotirohia haeretia i konei i runga i te rere o te wairua, āta kimihia rānei ngā wāhi tapu o te hītori o Ngāti Pūkenga. Whakawhānuitia tō tirohanga ki te Moana a Kiwa, whakawhāititia rānei ki ngā pā ahi kā, ngā awa rānei i Aotearoa nei.
Reo
Waiata
E kimi āwhina ana koe ki te ako i ngā waiata o te rohe? Waiho mā mātau te huarahi e whakawātea. He whitiata, he rikoata waiata hoki ā mātau māhau. Pānuitia ngā kōrero o ngā waiata me ngā kupu.
